کون ایسا آیا ہے آمنہ ترے گھر میں
کس کا یہ اجالا ہے آمنہ ترے گھر میں
جس کی چاند تارے بھی آئے ہیں زیارت کو
عرش کا وہ تارا ہے آمنہ ترے گھر میں
madaarimedia.com
نعمت دو عالم بھی تجھ پہ رشک کرتی ہے
دو جہاں کا پیارا ہے آمنہ ترے گھر میں
عظمتیں سدا جس نے پستیوں کو بخشی ہیں
وہ بلند و بالا ہے آمنہ ترے گھر میں
دو جہاں طواف اس کا کر رہے ہیں ہر لمحہ
کعبے کا بھی کعبہ ہے آمنہ ترے گھر میں
مقتدی ہیں سب جسکے مقتدا ہے وہ سب کا
ایسی شان والا ہے آمنہ ترے گھر میں
کائنات کی ہر شے جس پہ جاں چھڑکتی ہے
سوز کا وہ آقا ہے آمنہ ترے گھر میں
_________________
________________
سوز مکنپوری علیہ الرحمہ
