حسین لفظوں کے پیارے گلاب چن چن کر
لکھے گے نعتِ رسالت مآبﷺ چن چن کر
تمہیں مزمل و طہٰ مدثر و یاسیں
تمہیں خدا نے دیئے ہیں خطاب چن چن کر
یہ نقشِ پائے حبیبِ خدا ہیں یا لوگو!
زمیں پہ رکھے گئے ماہتاب چن چن کر
پئے رسولﷺ صحابہ کی شکل میں دیکھو
خدا نے بھیجے ہیں کیا آفتاب چن چن کر
مرے لیئے وہ حقیقت بنیں گے کب طیبہ
سجا کے رکھے ہیں جو میں نے خواب چن چن کر
کتابیں دیکھیئے تاریخ کی غلام انکے
جہاں میں لائے ہیں کیا انقلاب چن چن کر
کرے گے مجھ سے نکیرین قبر میں جو سوال
ترے کرم سے میں دو گا جواب چن چن کر
مرے حضورﷺ کی نسبت ہے جنکو اے مصباؔح
وہ بخشیے جائے گے روزِ حساب چن چن کر
