باعث ابتدا حاصل انتہا مرحبا مرحبا يا حبيب خدا
پیکر عدل تصویر جود و سخا مرحبا مرحبا یا حبیب خدا
پیکر عدل تصویر جود و سخا مرحبا مرحبا یا حبیب خدا
جلوۂ نور حق زینت دوسرا مرحبا مرحبا یا حبیب خدا
ماہتاب حرم آفتاب حرا مرحبا مرحبا یا حبیب خدا
شرق سے غرب تک فرش سے عرش تک وہ ہوں جن و بشر یا کہ حور و ملک
آج ہر اک کے لب پر یہی ہے صدا مر حبا مرحبا یا حبیب خدا
سارے کو نین کا تو ہی مختار ہے حق تو یہ ہے کہ تو ہی وہ شہکار ہے
خالق دو جہاں جس پہ خود ہے فدا مر حبا مرحبا یا حبیب خدا
ہو مکانوں میں تم لا مکانوں میں تم بزم کونین میں اور کوئی نہیں
اے شہ جز و کل بس تمہارے سوا مرحبا مرحبا یا حبیب خدا
قبضۂ نور ظلمت پہ ہونے لگا چھٹ گئی تیرگی جگمگائی فضا
جھوم اٹھی رات نور سحر نے کہا مرحبا مرحبا یا حبیب خدا
دور کرنے زمانے سے جو رو جفا لائے دنیا میں تشریف خیر الوری
آؤ مظلوم کا یہ جواب آ گیا مرحبا مرحبا یا حبیب خدا
تیرے اوصاف جن جن صحابہ میں تھے شاہکار کمال رسالت بنے
جان عدل و حیا روح صدق و صفا مرحبا مرحبا یا حبیب خدا
کس کے ہاتھوں میں عالم کی ہیں قسمتیں کس کو حاصل ادیب ایسی ہیں عظمتیں
کہہ رہے صف بہ صف میں کھڑے انبیاء مرحبا مرحبا یا حبیب خدا
baise ibtida hasile intiha marhaba marhaba ya habibe khuda
