مقصد حسن یقیں ہو یا محمد مصطفیٰ

اے فدائیے خیر الوریٰ جو ترا سلسلہ ہے مدینے کے دربار سے
رفعت عرش پانا نہیں ہے کٹھن راستہ ہے مدینے کے دربار سے

ہوش اے طالب بادۂ سرمدی جام اٹھا اب نہ کر شکوه تشنگی
دیکھ وہ ابر رحمت برستا ہوا آرہاے مدینے کے دربار سے

سوئے دوزخ چلا تھا کہ آئی ندا چھوڑ دو اے فرشتو نہ دو اب سزا
ہم نے بخشا اسے اس گنہگار کا واسطہ ہے مدینے کے دربار سے

@Madaarimedia
حب اخلاق و حسن مساوات کی نور عرفان خالق کی نعمات کی
ابتدا ہے مدینے کے دربار سے انتہا ہے مدینے کے دربار سے

جنکا دنیا میں کوئی ٹھکانا نہ ہو سر پہ لیں رحمت دامن مصطفیٰ
اے اسیرانِ غم آ رہی آج بھی یہ صدا ہے مدینے کے دربار سے

قاسم نعمت ہر دو عالم ہیں وہ تیری جھولی بھی رحمت سے بھر جائیگی
ائے ادیب" آج تک ہاتھ خالی کوئی کب پھرا ہے مدینے کے دربار سے

-----------------