کیوں ظلمتیں ہیں توڑ رہی دم نہ پوچھیےشان ظہور نورِ مجسم نہ پوچھیے
اٹھتے ہی ابرِ رحمت محبوب کبریا
کیوں سرد پڑ چلی ہے جہنم نہ پوچھیے
سارا نظام عالم اسباب ہے شکست
تاثیر عشق خالق عالم نہ پوچھیے
سمجھا جہاں نے آپ کو محبوب حق مگر
سمجھے ہوئے ہیں آپ کو کیا ہم نہ پوچھیے
طوفان جہل و کفر اٹھے اور مٹ گئے
عزم رسول کتنا تھا محکم نہ پوچھیے
ان سی کہ جو ہیں مست مئے حب مصطفى
کیف شراب کوثر و زمزم نہ پوچھیئے
سیار لامکاں کے قدم اور زمیں پر
کتنی حسیں تھی لغزش آدم نہ پوچھیے
بے مانگے بخش دیتے ہیں دنیا کی نعمتیں
رنگ عطائے رحمت عالم نہ پوچھیئے
ارض دیار پاک نبی کے فراق کا
کتنا دل ادیب " کو ہے غم نہ پوچھیے
@madaarimedia
