نیل گگن کے چندہ تارے ہیں ان پر بلِہار
آگئے وہ میرے سر کار آگئے وہ میرے سرکار
ان کی آمد کی خوشبو گلشن گلشن مہکائے
باغ میں کوئل کو کو کر کے گیت خوشی کے گائے
اور پپیہا پیو پیو کر کے گائے یہ ملہار
آگئے وہ میرے سر کار آگئے وہ میرے سرکار
پیاسوں کی خاطر انگلی سے امرت جل برسائیں
چاند کے ٹکڑے کر ڈالیں ڈوبا سورج پلٹائیں
مالک نے انکے ہاتھوں میں دیدیا ہر ادھکار
آگئے وہ میرے سر کار آگئے وہ میرے سرکار
دیکھنا سب پر برسے گی یوں جھوم کے رب کی رحمت
مکہ اور طیبہ والوں کی جاگ اٹھے گی قسمت
کوئی مہاجر بن جائے گا اور کوئی انصار
آگئے وہ میرے سر کار آگئے وہ میرے سرکار
آج سراپا رحمت بن کر آئے رب کے پیار
ناز کریں تقدیر پہ اپنی ظلم وستم کے مارے
کر نہ سکے گا مظلوموں پر اب کوئی اتیاچار
آگئے وہ میرے سرکار آگئے وہ میرے سرکار
چاہے سنامی لہریں ہوں یا گھیرے ہوئے ہوں طوفاں
پل میں وہ ” مصباح ” کریں گے ہر مشکل کو آساں
ڈوبنے والوں! مت گھبراؤ بیڑا ہوگا پار
آگئے وہ میرے سرکار آگئے وہ میرے سرکار