جنہیں حسد ہے علی سے وہ کیا بتائیں گے

جنہیں حسد ہے علی سے وہ کیا بتائیں گے
علی کا رتبہ فقط مصطفے بتائیں گے

علی و فاطمہ روئیں گے جس گھڑی آقا
زبان حال سے کرب و بلا بتائیں گے

علی ہے جنت و دوزخ کا بانٹنے والا
یہ بات شافع روز جزا بتائیں گے

بہت گھمنڈ ہے طاقت پہ اپنی اے مرحب
ذرا ٹھہر تجھے رن میں شہا بتائیں گے

کہیں وصی کہیں وارث کہیں پہ نور مبیں
کہیں نبی انہیں مشکل کشا بتائیں گے

بھٹک رہے ہو شجر کیوں ذرا ادھر آؤ
علی ہی خلد بریں کا پتہ بتائیں گے