اشرفیت کا آدم کو مژدہ ملا آگئے مصطفیٰ آگئے مصطفیٰ
رنگ لایا براہیم کا مدعا آگئے مصطفیٰ آگئے مصطفیٰ
عام ہو گا زمانے میں طور کرم خون کے آنسو رؤیں گےاہلِ ستم
چھائے گی ہر طرف رحمتوں کی گھٹا آگئے مصطفیٰ آگئے مصطفیٰ
ہے معطر معطر جہاں کی فضا جھوم کر آج مستی میں باد صبا
گنگناتی ہے نغمات صلی علیٰ آگئے مصطفیٰ آگئے مصطفیٰ
پڑھ کے سویا تھا میں رب سلم علی یک بہ یک مجھ پہ انکا کرم ہو گیا
جاگ اٹھا مقدر مرے خواب کا آگئے مصطفیٰ آگئے مصطفیٰ
چھائی تھی ہر طرف ظلمتوں کی گھٹا جانے کیا حشر ہو تا لحد میں مرا
وہ تو کہئے کہ بن کر کرم کا دیا آگئے مصطفیٰ آگئے مصطفیٰ
کیسے حاضر ہیں وہ کیسے ناظر ہیں وہ کیسے حامی ہیں وہ کیسے ناصر ہیں وہ
ہم نے جب المدد یا نبی کہدیا آگئے مصطفیٰ آگئے مصطفیٰ
آئی ہے زندگی میں جو شکل گھڑی اس پہ جب بھی پڑی ہے مصیبت کوئی
ایک دم بن کے ” مصباح ” کا آسرا آگئے مصطفیٰ آگئے مصطفیٰ
