آنکھوں سے ہوئے آنسو جاری جب بھی ہے سنا تیرا قصہ
اے کرب و بلا اے کرب و بلا اے کرب و بلا اے کرب و بلا
دنیا میں تری تمثیل کہاں ہر ذرہ ہے تیرا خلد نشاں
سو جاں سے نچھاور ہیں تجھ پر مہر و مہ و انجم کاہکشاں
آسودہ ہیں تیری گودی میں پروردۂ آغوش زہرا
اے کرب و بلا اے کرب و بلا اے کرب و بلا اے کرب و بلا
خاموش ہوئی ہے شمع حیا دنیائے شرافت کانپ اٹھی
منھ شرم سے سورج نے ڈھانپا انسان کی غیرت کانپ اٹھی
جب چھینی تھی ظالم ہاتھوں نے زینب کے مقدس سر سے سر سے ردا
اے کرب و بلا اے کرب و بلا اے کرب و بلا اے کرب و بلا
ہر سمت ستم کے طوفاں ہیں پھر بھی ہے وہ صابر کیا کہنا
شمشیر و سناں کے سایے میں وہ سجدۂ آخر کیا کہن
ایسا نہیں کوئی بھی ساجد سجدے میں کٹا ہو جس کا گلا
اے کرب و بلا اے کرب و بلا اے کرب و بلا سے کرب و بلا
ایمان کی دولت کے آگے کو نین کی دولت کچھ بھی نہیں
اللہ پہ مرنے والوں کو اس سے بڑی دولت کچھ بھی نہیں
ہو یاد اگر تجھ کو تو بتا وہ آخری آقا کا خطبہ
اے کرب و بلا اے کرب و بلا اے کرب و بلا اے کرب و بلا
شبیر کی نصرت کی خاطر جھولے سے زمیں پر گر جانا
معصوم گلے پر ہنستے ہوئے وہ حق کیلئے برچھی کھانا
” مصباح ” مجھے یاد آتا ہے اس ننھے مجاہد کا جذبہ
اے کرب و بلا اے کرب و بلا اے کرب و بلا اے کرب و بلا
