آسمان صبر کے ماہ امامت کو سلام
کیجئے لخت دل خاتون جنت کو سلام
حضرت عباس کے حسن اخوت کو سلام
اور حبیب ابن مظاہر کی رفاقت کو سلام
زیر خنجر سجدۂ آخر کیا جس نے ادا
حضرت شبیر کے ذوق عبادت کو سلام
جس کو سن کر پتھروں میں دھڑکنیں پیدا ہوئیں
کیجئے زینب کے اس زور خطابت کو سلام
سن کے حل من ناصر جھولے میں تو بے چین تھا
چھ مہینے کے سپاہی تیری نصرت کو سلام
پیش کی تو نے سفارش میں تھی تحریر حسن
قاسم مضطر ترے شوق شہادت کو سلام
ان کو گلہائے عقیدت پیش کر” مصباح ” تو
کرتی تھی شام غریباں جن کی غربت کو سلام
اردو مداری میڈیا ڈاٹ کام پر دینی، علمی اور ادبی ذوق رکھنے والے قارئین کے لیے متنوع موضوعات پر تحریرات و مضامین پیش کیے جاتے ہیں۔ اس پلیٹ فارم پر تاریخ، ادب، سیرت و سوانح عمری (بایوگرافی)، اہم واقعات، اصلاحی و فکری تحریریں، سبق آموز حکایات اور دیگر مختلف اصناف و موضوعات پر معیاری مضامین شائع کیے جاتے ہیں۔ ان مضامین کا مقصد قارئین کو مستند معلومات فراہم کرنا، علمی شعور کو فروغ دینا اور فکری و اخلاقی تربیت کا ذریعہ بننا ہے۔ اردو مداری میڈیا ڈاٹ کام کی یہ کاوش ہے کہ قاری کو ایک ہی جگہ پر متنوع، سنجیدہ اور بامقصد تحریری مواد میسر آئے۔
© Madaarimedia.com • All rights reserved
