آپ ہیں وجہ خلقت آدم محسن انساں رحمت عالم
شکل بشر میں نور مجسم محسن انساں رحمت عالم
شکل بشر میں نور مجسم محسن انساں رحمت عالم
ذات و صفات خالق اکبر اپنے حصار ذہن کے باہر
آپ صفات و ذات کے محرم محسن انساں رحمت عالم
آپ نے دی اگلوں کی شہادت آپ پر نازاں شانِ صداقت
آپ گواہ عصمت مریم محسن انساں رحمت عالم
خلق مجسم رحم کے پیکر امی لیکن علم کے مصدر
منزل حق کے ہادئ اکرم محسن انساں رحمت عالم
چشم کرم ہے رحمت باری قہر الہی ہے بیزاری
آپ کے بس میں خلد و جہنم محسنِ انسان رحمت عالم
مرضئ خالق آپ کی مرضی یہ منصب رکھتا نہیں کوئی
آپ کہیں تو حشر ہو قائم محسن انساں رحمت عالم
بچھڑے ہوئے لوگوں کو ملایا حسنِ عمل سے اپنے مٹایا
آپ نے فرق شعلہ و شبنم محسن انساں رحمت عالم
خاک قدم معراج ہماری آپ ہی رکھئیے لاج ہماری
کہتی ہے دنیا آپ کے ہیں ہم محسن انساں رحمت عالم
ہوگا ادیب ” ان سانہ ہوا ہے قرآں میں خالق نے کہا ہے
آپ مؤخر آپ مقدم محسن انساں رحمت عالم
