بابا کی آنکھوں کے تارے ہم تجھ کو جھولا جھلا ئیں
آجا اے اصغر ہمارے ہم تجھ کو جھولا جھولائیں
آنکھوں کو اپنی بھگو کر کہتے تھی صغریٰ یہ رو کر
بالی سکینہ کے پیارے ہم تجھ کو جھولا جھلا ئیں
تیرے لہو سے جو اصغر روئے امامت ہوا تر
بولے شفق کے نظارے ہم تجھ کو جھولا جھلائیں
دل میں چھپائے ہے ارماں ممتا کی ماری دکھی ماں
کہتی ہے بانھیں پسارے ہم تجھ کو جھولا جھلا ئیں
عباس رو کر پکارے بازو کٹے ہیں ہمارے
کیسے اے شہ کے دلارے ہم تجھ کو جھولا جھلائیں
دیکھا جو با دیدۂ تر معصوم کا روئے انور
کہنے لگے چاند تارے ہم تجھ کو جھولا جھلا ئیں
چھ ماہ کے پیاسے اصغر حسن عقیدت سے تجھ پر
“مصباح ” جان اپنی وارے ہم تجھ کو جھولا جھلا ئیں
