بیکس پہ ترس کھاؤ مدینے کی ہواؤ
آؤ مرے پاس آؤ مدینے کی ہواؤ
کجلائے ہوئے عشق نبی کے ہیں شرارے
پھر سے انہیں دہکاؤ مدینے کی ہواؤ
تم چومتی ہو بارگاہ نور کے پردے
تقدیر پہ اتراؤ مدینے کی ہواؤ
@madaarimedia
آؤ دل بے تاب لیئے جاؤ خدا را
کچھ تو مرے کام آؤ مدینے کی ہواؤ
چھلکے مرے پیمانے سے صہبائے ندامت
تم رحمتیں برساؤ مدینے کی ہواؤ
ممکن نہیں جو گلشن طیبہ کی زیارت
خوشبو ہی اڑا لاؤ مدینے کی ہواؤ
محفوظ کیسے ہو لب آقا کی ہر اک بات
اک بار تو دہراؤ مدینے کی ہواؤ
جس خاک نے چومے ہیں کف پائے محمد
اس سے مجھے کفناؤ مدینے کی ہواؤ
محتاج کرم ایک چراغ سحری ہے
لللہ نہ کتراؤ مدینے کی ہواؤ
حال دل مہجور بیاں کرنا ہے تم کو
سینے میں اتر جاؤ مدینے کی ہواؤ
پا جائے ادیب ” امن و اماں فکر جہاں سے
احساس پہ چھا جاؤ مدینے کی ہواؤ
