دکھلا دے کبھی صورت اپنیباے شہر نبی اے شہر نبی
کب سے ہیں مری آنکھیں پیاسی اے شہر نبی اے شہر نبی
مفلس ہوں نہیں ہے زاد سفر بیچین بہت ہے میری نظر
اے کاش میں دیکھوں تجھ کو کبھی اے شہر نبی اے شہر نبی
آسودہ ہیں تجھ میں شمس و قمر عثمان و علی صدیق و عمر
ہے نیل گگن تیری دھرتی اے شہر نبی اے شہر نبی
کس درجہ معظم ہیں جن میں حسنین کا بیتا تھا بچپن
وہ گلیاں تری پیاری پیاری اے شہر نبی اے شہر نبی
تو ناز کرے جتنا ہے روا تو وا تو جلوه گہِ محبوب خدا
الله الله تقدیر تری اے شہر نبی اے شہر نبی
کس درجہ ہے تو جلوہ ساماں ہے تیری فضاؤں میں رقصاں
انوار جمال مصطفوی اے شہر نبی اے شہر نبی
“مصباح” تیرے ذرے چومے تقدیر پہ اپنی ناز کرے
آئے کبھی قسمت سے وہ گھڑی اے شہر نبی اے شہر نبی
