زندگی کے سفر کی تھکن ہے اے مدار جہاں
اجڑا اجڑا سا دل کا چمن ہے اے مدار جہاں
تو گل گلشن پنجتن ہے اے مدار جہاں
تیری خوشبو چمن در چمن ہے اے مدار جہاں
تیرا نوری کلس ضوفگن ہے اے مدار جہاں
یا ستاروں بھری انجمن ہے اے مدار جہاں
لوگ کرنے لگے سجدہ ریزی جب نقاب اٹھ گئی
تیرے جلوؤں کا کیا بانکپن ہے اے مدار جہاں
دیکھو بی بی نصیبہ کا پیار کیا سے کیا ہو گیا
جب سے تم نے کہا جانمن ہے اے مدار جہاں
ہند میں جس نے شمعیں جلائیں نور ایمان کی
تو وہ مہر حرا کی کرن ہے اے مدار جہاں
زندگی بھر ہوا ہے پرانا اور نہ میلا ہوا
بے مثالی ترا پیرہن ہے اے مدار جہاں
میرے غمخوار میرے مہرباں دیکھو سارا جہاں
بے کسی پر مری خندہ زن ہے اے مدار جہاں
یہ نہ چھوڑے گا رستہ تمہار ا زندگی بھر شہا
دیتا مصباح تم کو وچن ہے اے مدار جہاں
