مری حیات کا عنوان داستان ہیں مدار
مجھے جہاں سے غرض کیا مرا جہاں ہیں مدار
مثال ابر کرم سر پہ سائباں ہیں مدار
جہاں جہاں بھی میں جاؤں وہاں وہاں ہیں مدار
مری بلندیاں اہل نظر سمجھتے ہیں
کہ وہ زمیں ہوں میں جسکا آسماں ہیں مدار
ہر اک جبین عقیدت ملی ہے تابندہ
یہ ذرے در کے ترے ماہ و کہکشاں ہیں مدار
ہے کائنات اشاروں پہ آپ کے رقصاں
کہ آپ واقف اسرار کن فکاں ہیں مدار
نصیب جسکو بصیرت نہیں وہ کیا سمجھے
امین رفعت سیاح لا مکاں ہیں مدار
تری بہاروں کو خوف خزاں نہیں مصباح
کہ تیرے گلشن ہستی کے باغباں ہیں مدار
