مصطفیٰ آئینۂ دل کو جِلا دیتے ہیں
پل میں سوئی ہوئی تقدیر جگا دیتے ہیں
دینے والا تو ہے رب بانٹنے والے ہیں نبی
جسکو جو دیتے ہیں محبوبِ خدا دیتے ہیں
پوچھتا مدّعا جب بھی کوئی ہم سے ہے تو ہم
گنبدِ خضریٰ کی تصویر بنا دیتے ہیں*
مصطفیٰ اپنے تبسّم سے کھلاتے گلُ تھے
لوگ نفرت کے شراروں كو ہوا دیتے ہیں
اللہ اللہ وہ اصحابِ نبی کیا کہنا
اپنے کردار سے پیغامِ وفا دیتے ہیں
ہجرِ طیبہ میں تڑپ دیکھتے ہیں جب مری
طیبہ جانے کی مجھے لوگ دعا دیتے ہیں
وہ بلندی کا تصوّر بھی نہیں کر سکتا
جسکو آقا میرے نظروں سے گرا دیتے
نعت کی شاعری میں کرنے لگا جب سے سنا
شاعرِ نعت کو وہ اپنی ردا دیتے ہیں
ہوش رہتا نہیں پھر اپنا اسے اے مصباح
وہ جسے جام محبت کا پلا دیتے ہیں
