مونس و ہمدرد عالم ہیں مرے پیارے نبی
مرحبا کتنے مکرم ہیں مرے پیارے نبی
منصب محبوبیت پہ کوئی بھی فائض نہیں
سارے نبیوں میں معظم ہیں مرے پیارے نبی
اے زمانے والو مجھ کو بے سہارا مت کہو
میرے مونس میرے ہمدم ہیں مرے پیارے نبی
سنگ ریزے بول اٹھے ہاتھ میں بوجہل کے
عظمتوں والے ہیں اعظم ہیں مرے پیارے نبی
آپ کی سیرت ہی کافی ہے تسلی کے لئے
غم نہیں جو سیکڑوں غم ہیں مرے پیارے نبی
کوئی ڈھونڈے بھی تو پائے آپ کا سایہ کہاں
آپ تو نور مجسم ہیں مرے پیارے نبی
خلد میں جانے سے محضر کون روکے گا مجھے
جب شفیع ہر دو عالم ہیں مرے پیارے نبی
