نبی کے نور کی تنویر ہیں مخدوم سمنانی
مراد شبر و شبیر ہیں مخدوم سمنانی
زمانے بھر کی ساری سلطنت ہے اسکے قدموں میں
وہ خوش قسمت کہ جسکے پیر ہیں مخدوم سمنانی
سمجھ پائے زمانہ کیا بھلا انکی حقیقت کو
نبی کے خواب کی تعبیر ہیں مخدوم سمنانی
کرم تیرا ہماری ڈھال بن کر کام آیا ہے
چلے جب بھی ستم کے تیر ہیں مخدوم سمنانی
رگوں میں دوڑتا ہے انکی خون پنجتن یارو!
بہت ہی صاحب تو قیر ہیں مخدوم سمنانی
لگا رہتا ہے جھرمٹ غمزدوں کا انکی چوکھٹ پر
بناتے بگڑی ہر تقدیر ہیں مخدوم سمنانی
ذرا مصباح دیکھو سلطنت کو مار کر ٹھوکر
ولایت کی لئے جاگیر ہیں مخدوم سمنانی
