گیت یارو محمد کے گایا کرو
اور عقیدت کے موتی لٹایا کرو
جب ہواوں مدینے میں جایا کرو
نکہت مصطفی لے کے آیا کرو
جب کسی کی زباں پہ ہونام نبی
تم درودوں کی ڈالی سجایا کرو
عظمت مصطفی دل میں ہو جاگزیں
اپنے بچوں کو نعتیں سنایا کرو
قافلے والے جب سوئے طیبہ چلیں
راہ میں ان کی پلکیں بچھایا کرو
مصطفی تو سراپا ہیں ابر کرم
عاصیو! رحمتوں میں نہایا کرو
آرزو کا دیا جب بھی بجھنے لگے
لو حبیب خدا سے لگایا کرو
سنت مصطفی تو ہے محضر یہی
دشمنوں کو گلے سے لگایا کرو
