ہر ایک کے لب پر ہے یہ سدا ماشاء اللہ سبحان اللہ
ہے رشک جنا تیرا روضہ ماشاء اللہ سبحان الله
دنیا میں مثالی ہو کے رہا ماشاء اللہ سبحان اللہ
وہ صوم و دوام اور وہ تقوی ماشاء اللہ سبحان الله
سورج کی شعاعوں پر بدلی ہوتی ہے اثر انداز کہاں
پردے میں بھی ہے شان جلوه ماشاء اللہ سبحان الله
شاداب ہے جو ہر ایک چمن گلزار بنا ہے اپنا وطن
یہ قطب جہاں کا ہے صدقہ ماشاء اللہ سبحان اللہ
بے آپ کے کوئی بھی عرضی جاتی ہی نہیں ہے پیش نبی
ولیوں میں یہ رتبہ کس کو ملا ماشاء اللہ سبحان اللہ
انوار کے سوتے پھوٹ پڑے جلووں میں نہائے دیوانے
جب تیرا نقاب رخ اٹھا ماشاء اللہ سبحان اللہ
عرفاں ہے جنہیں وہ کہتے ہیں ایسن کے ترے ہر قطرے میں
ہیں سات سمندر پوشیده ماشاء اللہ سبحان الله
محضر تو غلام قطب جہاں اور ان کے شفیع کون ومکاں
مضبوط ہے کتنا یہ رشتہ ماشاء اللہ سبحان الله
