ایک دیوانہ اور پاوں اسپر دھرے
چومے جس خاک نے مصطفیٰ کے قدم
یہ مدینے کی گلیاں ہیں اے میرے دل
چل یہاں اپنے سر کو بنا کے مقدم
ساتھ تاب نظر بھی نہ کچھ دے سکی
کام آئے نہ فکرِ رسا کے مقدم
ی تو اذن حضوری کا اعجاز تھا
پہونچے منزل پر جو بے نوا کے قدم
خاک پر خونِ اطہر سے گل کاریاں
اور نمود بہاراں کی لب پر دعا
ارض طائف سے پوچھو کہ کس شان سے
اٹھ رہے تھے حبیب خدا کے قدم
@madaarimedia
اتقائے بشر کی حسیں داستاں
بزم عالم میں دہرائی جاتی ہے جب
سر جھکا کر فرشتوں کی معصومیت
چوم لیتی ہے خیر الوریٰ کے قدم
با ادب اے تمنا اے دیدہ وری
ہوشیار اے تقاضائے دیوانگی
کانپتے ہیں حضوری میں سرکار کی
ساكن سدرة المنتہی کے مقدم
اب کسی راه رو کو اپنے رہروی
منت رہنما کی ضرورت نہیں
منزل زندگی کے ہر اک موڑ پر
ثبت ہیں خاتم الانبیا کے مقدم
@madaarimedia
کتنی دشوار تھی راہِ صبر و رضا
مرحبا عاشقان حبيب خدا
تھک گئے خود جفاؤں سے اہلِ جفا
روک پائے نہ لیکن وفا کے قدم
اے صبا تیرے صدقے میری خاک کو
ارض طیبہ میں لیجا کے برباد کر
میری عقبی سنور جائیگی جو کہیں
پڑ گئے عاشق مصطفیٰ کے قدم
انکا بحرِ کرم جوش میں دیکھ کر
اٹھکے دل سے فغاں لب پہ آئی مگر
پڑ گئی اپنی جب خامیوں پر نظر
ڈگمگانے لگے التجا کے قدم
بحرِ ہستی کی امواج برہم ادیب
ہمکو دکھلا نہیں سکتیں آنکھیں کبھی
ہم ہیں انکے ذرا سے اشارے میں
جو روک لیتے ہیں سیلِ بلا کے قدم
