ہم بھی دیار ہند سے طیبہ کو جائیں گے

ہم بھی دیار ہند سے طیبہ کو جائیں گے
اپنی کہانی اپنی زبان سے سنائیں گے

آقا سے مل تو جائے ذرا اذن حاضری
دنیا کے حادثے بھلا کیا روک پائیں گے

لے جائے تو جنوں ہمیں شہر رسول میں
گلیوں میں ہم حضور کی جھاڑو لگائیں گے

عصیاں کا ڈر نہیں مجھے میدان حشر میں
مجھکو یقین ہے میرے آقا بچائیں گے

محشر میں یوں بچائیں گے وہ عاصیوں کی لاج
خیرالورٰی ردائے کرم میں چھپائیں گے

دنیا کے گلشنوں میں کہاں مل سکیگی وہ
خوشبو جو مصطفے کے پسینہ میں پائیں گے

آقا کے دیکھ لیں گے جہاں بھی نقوش پا
پلکیں وہاں ہم اہل محبت بھائیں گے

کرنا صباء منورِ خستہ کی ایک عرض
آقا سے پوچھنا کہ اسے کب بلائیں گے

Roman Urdu

Hum bhi dayar-e-Hind se Taiba ko jayenge
Apni kahani apni zaban se sunayenge

Aaqa se mil to jaye zara izn-e-hazri
Duniya ke hadse bhala kya rok payenge

Le jaye to junoon hamein shehr-e-Rasool mein
Galiyon mein hum huzoor ki jhaadu lagayenge

Isyan ka dar nahin mujhe maidan-e-hashr mein
Mujh ko yaqeen hai mere Aaqa bachayenge

Mahshar mein yun bachayenge woh aasiyon ki laaj
Khair-ul-Wara rida-e-karam mein chhupayenge

Duniya ke gulshanon mein kahan mil sakegi woh
Khushboo jo Mustafa ke paseene mein payenge

Aaqa ke dekh lenge jahan bhi nuqoosh-e-pa
Palken wahan hum ahl-e-mohabbat bichhayenge

Karna saba Munawwar-e-khasta ki ek arz
Aaqa se poochhna ke use kab bulayenge

---

Hindi

हम भी दियार-ए-हिंद से तैयबा को जाएंगे
अपनी कहानी अपनी ज़ुबान से सुनाएंगे

आका से मिल तो जाए ज़रा इज़्न-ए-हाज़िरी
दुनिया के हादसे भला क्या रोक पाएंगे

ले जाए तो जुनून हमें शहर-ए-रसूल में
गलियों में हम हुज़ूर की झाड़ू लगाएंगे

इस्याँ का डर नहीं मुझे मैदान-ए-हश्र में
मुझ को यक़ीन है मेरे आका बचाएंगे

महशर में यूँ बचाएंगे वो आसियों की लाज
ख़ैरुल-वरा रिदा-ए-करम में छुपाएंगे

दुनिया के गुलशनोँ में कहाँ मिल सकेगी वो
खुशबू जो मुस्तफ़ा के पसीने में पाएंगे

आका के देख लेंगे जहाँ भी नुक़ूश-ए-पा
पलकें वहाँ हम अहल-ए-मोहब्बत बिछाएंगे

करना सबा मुनव्वर-ए-खस्ता की एक अर्ज़
आका से पूछना कि उसे कब बुलाएंगे