اے آمنہ تیری گودی میں ہے جلوہ فگن محبوب خدا
سبحان اللہ سبحان اللہ سبحان اللہ سبحان الله
معصوم سے نوری چہرے سے دنیا کے نظارے نادم ہیں
منہ اپنا چھپائے ہے سورج اور چاند ستارے نادم ہیں ہیں
ہے فرش سے لیکر عرش تلک پھیلا ہوا نور صلی علی
سبحان اللہ سبحان الله سبحان اللہ سبحان الله
تو بن کے گیا معراج کی شب اللہ کا مہماں میرے نبی
ہے دیکھ کے رفعت کو تیری جبریل بھی حیراں میرے نبی
تو فرش کا ہے وہ باشندہ ہے عرش بھی جس کے زیر پا
سبحان الله سبحان اللہ سبحان الله سبحان الله
تاریک زمانے میں ہر سوقرآں کے اجالے پھیل گئے
دم کفر کی ظلمت کا ٹوٹا ایماں کے اجالے پھیل گئے
دنیا سے اندھیرے ختم ہوئے روشن ہوئی جس دم شمع حرا
سبحان اللہ سبحان الله سبحان الله سبحان الله
صدیق صداقت کا خوگر فاروق عدالت کا پیکر
عثمان سراپا جو دو سخا ہے سب پہ عیاں شان حیدر
حیراں ہے زباں ہو کیسے بیاں اصحاب محمد کارتبہ بیاں
سبحان اللہ سبحان الله سبحان الله سبحان الله
شیدا ہے تکلم پر تیرے پھولوں سے بھری شاخوں کی لچک
خوشبو پہ پیسنے کی تیرے قربان گلابوں کی ہے مہک
بکھری جو فضا میں زلف تیری شرمندہ ہوئی ساون کی گھٹا
سبحان اللہ سبحان الله بحان الله سبحان الله
