حمد باری تعالی
حمد تیری کر رہا ہوں طاقت گفتار دے
جس سے تو راضی رہے ایسا ہمیں کردار دے
ساری خلقت تیری ہے تو خالق و معمار ہے
رازق رزاق اور سب کا پالن ہار ہے
تیری طاقت تیری قدرت کا بیاں ہم کیا کریں
بس ثنا تیری کریں ہر دم کریں پیہم کریں
نامور دنیا کے سب گم گشت ہیں آگے تیرے
کبریائی ہے تجھے سب پست ہیں آگے تیرے
تو اگر چاہے گنہگاروں سے اٹھ جائے عذاب
سینۂ صحرا سے بس تو ہی اٹھاتا ہے حجاب
چاند سورج یہ ستارے اور زمین و آسماں
تیری خلاقی و صناعی کا کرتے ہیں بیاں
ساری خلقت تیری ہی محتاج ہے پروردگار
ہرکس و ناکس کے دل کی تو ہی سنتا ہے پکار
تیری بخشش اور عطا کا بس ہمیں ہے آسرا
کون ہے جو تجھ سے آگے دے سکے تجھ سے سوا
تو ہے حافظ تو محافظ ہے حفاظت تیرے ہاتھ
ہر جگہ تیرا تعاون رہتا ہے بس میرے ساتھ
تیری ہے تعریف تو معبود ہے مسجود ہے
ہر گھڑی ہر پل ہر اک جا تو ہی تو موجود ہے
حمد تیری اے مشارق ہو قبول بارگاہ
رب تعالی درگزر کر دے تیرا ہر اک گناہ
تاریخ ۷ ذی الحجہ ۱۴۲۶ ہجری ۵ جنوری ۲۰۰۶ عیسوی بروز ہفتہ بمقام برون گڑھ سلطان پور نیاز احمد خان صاحب کے مکان پر
Hamd Baari Taala
Hamd teri kar raha hoon taaqat-e-guftaar de
Jis se tu raazi rahe aisa humein kirdaar de
Saari khalqat teri hai tu khaliq o ma’maar hai
Raaziq Razzaq aur sab ka paalan haar hai
Teri taaqat teri qudrat ka bayaan hum kya karein
Bas sana teri karein har dam karein paiham karein
Naamwar duniya ke sab gum gasht hain aage tere
Kibriyai hai tujhe sab past hain aage tere
Tu agar chahe gunehgaaron se uth jaye azaab
Seena-e-sahra se bas tu hi uthata hai hijaab
Chaand sooraj ye sitaare aur zameen o aasmaan
Teri khallaqi o sanaa’i ka karte hain bayaan
Saari khalqat teri hi mohtaaj hai parwardigaar
Harkas o naakas ke dil ki tu hi sunta hai pukaar
Teri bakhshish aur ‘ata ka bas humein hai aasra
Kaun hai jo tujh se aage de sake tujh se siwa
Tu hai haafiz tu muhafiz hai hifazat tere haath
Har jagah tera taawun rehta hai bas mere saath
Teri hai tareef tu ma’bood hai masjood hai
Har ghadi har pal har ek ja tu hi tu maujood hai
Hamd teri ae mashariq ho qubool baar-gah
Rabb Ta’ala darguzar kar de tera har ek gunah
