غوث اعظم مجھے شاد فرمائیے
وقت مشکل ہے امداد فرمائیے
نام لیوا پر اپنے کرم پر کرم
اے شہنشاه بغداد فرمائیے
اپنے جلووں سے اے دستگیر جہاں
دل کی دنیا کو آباد فرمائیے
آپ کو واسطہ سارے اجداد کا
اک نظر بہر اجداد فرمائیے
میں اسیر معاصی و آلام ہوں
مجھ کو یا غوث آزاد فرمائیے
میں ترستا ہوں دیدار کو آپ کے
میرے بارے میں ارشاد فرمائیے
آپ رشد و ہدایت کے انوار سے
دُور یہ دَور الحاد فرمائیے
آپ ابو صالح کے قرة العین ہیں
صالح سب میری اولاد فرمائیے
آپ کا ہے قدیری تو پھر غوث پاک
خواب میں پھر مجھے شاد فرمائیے
اس فائل کو یہاں سے ڈاؤنلوڈ کریں
10
