السلام اے شاہ شہداء السلام

السلام اے دین کامل کے امام
السلام اے شاہ شہداء السلام

اے حبیب کبریا کے نور عین
اے علی و فاطمہ کے دل کا چین
دین حق کے آپ ہیں ماہ تمام

السلام اے دین کامل کے امام
السلام اے شاہ شہداء السلام

کرکے قرباں تونے اپنی راحتیں
بخش دی ہیں کربلا کو عظمتیں
اے بہار گلشن خیرالانام

السلام اے دین کامل کے امام
السلام اے شاہ شہداء السلام

نصرت حق کے لئے تم نے شہا
اپنا سر کٹوا کے ہے بتلا دیا
زندہء جاوید ہیں حق کا پیام

السلام اے دین کامل کے امام
السلام اے شاہ شہداء السلام

کون کہتا تم رہے ہو تشنہ کام
موج دریا بھی یہی کہتی مدام
حشر میں بانٹوگے تم کوثر کا جام

السلام اے دین کامل کے امام
السلام اے شاہ شہداء السلام

جور باطل سے ہے جب پوچھا گیا
کون کامل ضبط غم کا ہے بتا
لب پہ آیا کربلا والوں کا نام

السلام اے دین کامل کے امام
السلام اے شاہ شہداء السلام

سجدے میں کٹوا کے سر بتلا دیا
بندگیئ رب ہے کیا دکھلا دیا
مرضئ حق کا کیا ہے احترام

السلام اے دین کامل کے امام
السلام اے شاہ شہداء السلام

اب بھی دنیا میں ہیں ایسے بے حیا
دشمنان اہل بیت مصطفی
دو جہاں میں کچھ نہیں جنکا مقام

السلام اے دین کامل کے امام
السلام اے شاہ شہداء السلام

بیکسی کی پاؤں میں زنجیر ہے
ہنس رہی مجھ پر مری تقدیر ہے
عرض کرتا ہے یہیں سے یہ غلام

السلام اے دین کامل کے امام
السلام اے شاہ شہداء السلام

جب بھی تیرا کربلا سے ہو گزر
اے صبا مولا سے میرے عرض کر
“افسر” دلگیر کا ہے یہ پیام

السلام اے دین کامل کے امام
السلام اے شاہ شہدہ السلام

🌹سلام ببارگاہ سید الشہداء حضرت امام حسین علیہ السلام 🌹
از قلم- ماہر علم الانساب حضور تاج الاصفیا سرکار سیدنا سید افسر علی حسینی جعفری مداری رحمۃ اللہ علیہ

Tagged:

Leave a Reply

Your email address will not be published. Required fields are marked *