جس کو رب نے بڑائی دی وہ آپ کا رتبۂ عالی ہے

عطائے رب

جس کو رب نے بڑائی دی وہ آپ کا رتبۂ عالی ہے
میرے مدار عالم کی ولیوں میں شان نرالی ہے

اہل طلب دامن پھیلا کر ان کی عطا کو دیکھ ذرا
ان کے در سے مانگنے والا گیا نہ کوئی خالی ہے

عشق مدار دونوں جہاں میں جس کا دل سرشار ہوا
دن اس کا دیوانہ ہے اور رات اس کی متوالی ہے

زندہ ولی کے در سے جہاں میں زندگیاں تقسیم ہوئیں
اگر او منکر تو نہ سمجھے تیری خام خیالی ہے

امن کا پرچم لہرائے صدیاں گزری ہیں آقا کو
میرے قصبے میں اے لوگوں اب بھی خیر سگالی ہے

ہنگامہ آرائی سے کاٹے نہ کٹے گی رات تیری
چشم کرم پر امیدیں رکھ رات گزرنے والی ہے

شاہ جی صابر اشرف خواجہ غوث اعظم ننھے میاں
ان کا بن کر اپنی بنا لے ورنہ بگڑنے والی ہے

ان کا کہلا کر کے مشارق کیوں پھر تو مایوس رہے
ان کی عطائے خاص سے پھر تقدیر چمکنے والی ہے

تاریخ ۱۷ جمادی المدار ۱۴۲۶ ہجری ۲۵ جون ۲۰۰۵ عیسوی بموقع جلسہ قل شریف در مدار پر

---

Ataaye Rab

Jis ko Rab ne baraai di woh aap ka rutba-e-aali hai
Mere Madar Aalam ki Waliyon mein shan niraali hai

Ahl-e-talab daaman phela kar un ki ata ko dekh zara
Un ke dar se maangne wala gaya na koi khaali hai

Ishq-e-Madar donon jahan mein jis ka dil sarshaar hua
Din us ka deewana hai aur raat us ki matwaali hai

Zinda Wali ke dar se jahan mein zindagiyan taqseem huin
Agar o munkir to na samjhe teri khaam-khayaali hai

Aman ka parcham lehraaye sadiyan guzri hain aaqa ko
Mere qasbe mein ae logon ab bhi khair-sagaali hai

Hangama aaraai se kaate na katay gi raat teri
Chashm-e-karam par umeedein rakh raat guzarnay wali hai

Shah ji Sabir Ashraf Khwaja Ghous-e-Azam Nanne Miyan
Un ka ban kar apni bana le warna bigarne wali hai

Un ka kehla kar ke Mashariq kyun phir tu mayoos rahe
Un ki ataaye khaas se phir taqdeer chamakne wali hai

17 Jamadi al-Madar 1426 Hijri
25 June 2005 Aisawee
Bamauqa Jalsa Qul Shareef Dar Madar Par