دونوں عالم میں یکتا ہے رتبہ ترا
میرے خواجہ پیا میرے خواجہ پیا
رب ہی جانے کہ رتبہ ہوا کیا ترا
میرے خواجہ پیا میرے خواجہ پیا
رب کے ولیوں کے سر پہ ہے سایہ ترا
میرے خواجہ پیا میرے خواجہ پیا
کوئی تم سا نہ دیکھا ہے میں نے شہا
تم ہو رب کے ولی ابن شیر خدا
دونوں عالم میں رتبہ ہے یکتا ترا
میرے خواجہ پیا میرے خواجہ پیا
ہند میں لے کے تو آیا قرآن ہے
میرے خواجہ پیا تیرا احسان ہے
آج بھی ہر زباں پہ ہے چرچہ ترا
میرے خواجہ پیا میرے خواجہ پیا
رشک فردوس ہے آپ کا آستاں
اے عطائے نبی خواجہء خواجگاں
ہند میں کوئی ثانی نہ پایا ترا
میرے خواجہ پیا میرے خواجہ پیا
اسکے در پہ جھکے رہتے ہیں تاجور
آپ کا جس نے پایا مقدر سے در
جس بشر کو ترے در کا ٹکڑا ملا
میرے خواجہ پیا میرے خواجہ پیا
خالی در سے سوالی نہ لوٹا کوئی
ایک پل میں ہوا با خدا وہ غنی
مل گیا جس بشر کو ہے صدقہ ترا
میرے خواجہ پیا میرے خواجہ پیا
میرے خواجہ پیا تیری کیا شان ہے
اک شرافت نہیں تم پہ قربان ہے
جس کو دیکھو وہ لگتا ہے شیدا ترا
میرے خواجہ پیا میرے خواجہ پیا
از قلم
مولاناشرافت علی شاہ مرغوبی
مداری سرنیاں سی بی گنج بریلی
