کلام :- شہزادہ ابو العلماء فقیہ عصر علامہ مفتی سید مشرف عقیل امجدی

مصطفائے عز و تقویٰ آپ ہیں”
“ہر صفت میں اعلیٰ، یکتا آپ ہیں

کوئی تجھ سا نہ کبھی پیدا ہوا
عرش کی آنکھوں کا تارا آپ ہیں

حق نے بخشا آپ کو شانِ جلیل
حسنِ آدم، نورِ حوا آپ ہیں

آپ اوّل، آپ آخر، آپ ہی
شانِ عالم، شانِ جلوہ آپ ہیں

نور سے اوصاف کی تخلیق کی
نورِ یزداں کا صحیفہ آپ ہیں

جلوہ گاہِ حق کی تابانی لیے
صاحبِ عرشِ معلیٰ آپ ہیں

جانِ تسلیم و رضا، بدر الدجیٰ
محورِ لطف و عطا آپ ہیں

آپ سے روشن ہے ہر راہِ طلب
رہنما، منزل، سراپا آپ ہیں

آپ کی نسبت سے ہم زندہ ہوئے
بے کسوں کے ہیں سہارا، آپ ہیں

یہ مشرف کا ہے دل دیتا صدا
رحمتِ رب کا تقاضا، آپ ہیں

یہ پُراثر اور دل کو چھو لینے والی نعت شریف فقیہِ عصر، سید مشرف عقیل امجدی حسنی حسینی صاحب قبلہ نے انتہائی درد، محبتِ رسول اور گہرے جذبات کے ساتھ تحریر فرمائی ہے، جو اپنے الفاظ میں عشقِ مصطفیٰ کا سمندر سموئے ہوئے ہے۔ یہ نعت صرف اشعار نہیں، بلکہ دل کی پکار اور روح کی غذا ہے۔