رحمت دو جہاں محمد ہیں
ہاں رسول زماں محمد ہیں
مالک کل جہاں محمد ہیں
شافع عاصیاں محمد ہیں
کیوں کرے فکر وہ قیامت کی
جس پہ بھی مہرباں محمد ہیں
ہر مرض میں شفا ملے جن سے
وہ طبیب زماں محمد ہیں
رحمت کل کہیں انہیں قرآں
عظمتوں کا نشان محمد ہیں
رب کی وحدت کو واقعی سب پر
کرنے آئے عیاں محمد ہیں
کیا بیاں ہو مجاہد خستہ
میرا دل اور جاں محمد ہیں
شاعر اسلام حافظ محمد مجاہد جعفری
اردو مداری میڈیا ڈاٹ کام پر دینی، علمی اور ادبی ذوق رکھنے والے قارئین کے لیے متنوع موضوعات پر تحریرات و مضامین پیش کیے جاتے ہیں۔ اس پلیٹ فارم پر تاریخ، ادب، سیرت و سوانح عمری (بایوگرافی)، اہم واقعات، اصلاحی و فکری تحریریں، سبق آموز حکایات اور دیگر مختلف اصناف و موضوعات پر معیاری مضامین شائع کیے جاتے ہیں۔ ان مضامین کا مقصد قارئین کو مستند معلومات فراہم کرنا، علمی شعور کو فروغ دینا اور فکری و اخلاقی تربیت کا ذریعہ بننا ہے۔ اردو مداری میڈیا ڈاٹ کام کی یہ کاوش ہے کہ قاری کو ایک ہی جگہ پر متنوع، سنجیدہ اور بامقصد تحریری مواد میسر آئے۔
© Madaarimedia.com • All rights reserved
