شافع محشر سرور عالم

شافع محشر سرور عالم
رحم سراسر سرور عالم

افضل و اکبر سرور عالم
مہر و برتر سرور عالم

حسن کے پیکر سرور عالم
عشق کے مظہر سرور عالم

بندوں میں شامل رب سے واصل
کتنے موثر سرور عالم

مونس و ہمدم سب ہی ہیں لیکن
سب سے بہتر سرور عالم

ہم ہی نہیں عشاق ہے تیرا
خالق اکبر سرور عالم

سب کے حامی سب کے سہارا
سب کے یاور سرور عالم

باہمہ فخر شان غریبی
صاحب کشور سرور عالم

انساں کو پہنچا دین خدائی
ایسے رہبر سرور عالم

سارے جہاں میں ضؤ افگن ہے
آپکا نیر سرور عالم

shafae mahshar sarware aalam

نعت : حضور ببن میاں علامہ نیر مکنپوری