رہبر عارفاں تم پہ لاکھوں سلام
اے مدار جہاں تم پہ لاکھوں سلام
فیض پاتا ہے تم سے ہر اک سلسلہ
تم ہو محسن تو پهر کیوں نہ بهیجیں بهلا
اولیاء زماں تم پہ لاکھوں سلام
ائے مدار جہاں تم پہ لاکھوں سلام
دلکشی تم سے باغ رسالت میں ہے
نور و نکہت ریاض ولایت میں ہے
جان ہر گلستاں تم پہ لاکھوں سلام
ائے مدار جہاں تم پہ لاکھوں سلام
تم زمانے کے آقا ہو زندہ ولی
راست ہے قلب احمد سے وابستگی
راز کے راز داں تم پہ لاکھوں سلام
ائے مدار جہاں تم پہ لاکھوں سلام