Naat

خدا نے آپ کو شیریں مقال رکھا ہے
جواب تلخئ ماضی و حال رکھا ہے

 

مقام قرب کیا ہے اور کیا شان محمد ہے
و ہی بتلائے گا جو مرتبہ دانِ محمد ہے

وہی فرمان حق بھی ہے جو فرمان محمد ہے
سمجھئے کس قدر دشوار عرفان محمد ہے

دیا درس مکمل جس نے ہم کو دین فطرت کا
قسم اللہ کی وہ صرف قرآن محمد ہے

پروں سے جھاڑتا رہتا ہے ان کے آستانے کو
نہ ہو جبریل کیوں نازاں کہ دربان محمد ہے

مذاق جستجو نے لاتعین میں جہت پائی
شعور و فکر انساں پر صداحسان محمد ہے

مدینہ کیا وہی ہیں خانہ کو نین کے مالک
جہاں میں جو بھی ہے مخلوق مہمان محمد ہے

جلال مہر کی محشر میں محشر خیزیاں توبہ
وہی محفوظ ہے جو زیر دامانِ محمد ہے

نہ خوف تشنگی ہوگا ادیب ” ان کے غلاموں کو
کہ جاری حشر میں دریائے فیضانِ محمد ہے

 _______________