Qari_Mahzar_Ali_Manqabat Archives - Page 2 of 5

روشن کرنے ساری نگر یا قطب دو عالم آئے

05/03/202510/12/2024 by @Admin

روشن کرنے ساری نگر یا قطب دو عالم آئے

فاطمہ ثانی کے آنگن میں حوروں کا ہے جھمیلہ

شہر حلب کی گلیوں گلیوں جناتوں کا میلہ

اور ملائک دیں یہ خبریاا قطب دو عالم آئے

شرک کی دھرتی پر مدت سے کفر کی کھیتی ہوئے

بیج اسلام کے جگ کے داتا ہند ما تم نے بوئے

نور سے چھلکے دیں کی بکھریا قطب دو عالم آئے

قاضی مظہر جب بھی آئیں اپنے نین بچھائیں

عالمگیر نہ کیسے آکر اپنا سیش جھکائیں

پھیلی ہے چہیو اور خبر یا قطب دو عالم آئے

جھوم جھوم کے آئیں بدروا رم جھم منہ برسائے

چاند بھی دیکھ کے پیاری صورت بدری میں چھپ جائے

جھومے نہ کیسے مست بیریا قطب دو عالم آئے

سارے جہاں نے عشق نبی کا جن سے سلیقہ پایا

محضر آشا پوری ہوگی آج سَمے ہے آیا

لے کے کرم کی اپنے چدریا قطب دو عالم آئے

——

منقبت تب ہوتی ہے – منقبت تب ہوتی ہے

05/03/202510/12/2024 by @Admin

ہو دل میں عشق مدار نہ ٹوٹے ہوں نسبت کے تار

منقبت تب ہوتی ہے – منقبت تب ہوتی ہے

ہم تو آقا دیوانے ہیں داتا ہم انجانے ہیں

آپ کے در پہ تو عرفاں کے کھلے ہوئے میخانے ہیں

ہوں ساقی میرے سر کار مئے عرفاں ہو پئے مئے خوار

منقبت تب ہوتی ہے – منقبت تب ہوتی ہے

کیسے بھلا کر پاؤں گا تعریف مدار عالم کی

میں ذرہ ہوں اور وہ سورج چھوٹا منہ اور بات بڑی

ہو قائل اس کا بھی فنکار کرم فرمائیں جب سرکار

منقبت تب ہوتی ہے – منقبت تب ہوتی ہے

دل پیاسا رہتا ہے اور آنکھیں ساون بن جاتی ہیں

بہتے ہوئے اشکوں کی دھاریں ایسن بن جاتی ہیں

جب جاگے یاد مدار ہو دل کے تاروں میں جھنکار

منقبت تب ہوتی ہے – منقبت تب ہوتی ہے

وہ عالمگیری مسجد ہے یہ دربار عالی ہے

وه ارغونی دروازہ ہے اور یہ مکی جالی ہے

ہو ذروں سے بھی پیار نگاہوں میں ہوں درودیوار

منقبت تب ہوتی ہے – منقبت تب ہوتی ہے

جیون کی پیچیدہ ڈگر ہے اس میں کانٹے مت بونا

اے محضر اک لمحہ بھی تم ان سے غافل مت ہونا

کب اٹھے نگاہ مدار رکھو اس دل کو سدا ہو شیار

منقبت تب ہوتی ہے – منقبت تب ہوتی ہے

——

مدار تہری جالی سے ڈوری بندھی

05/03/202510/12/2024 by @Admin

مدار تہری جالی سے ڈوری بندھی

طیبہ ما ہے نور بکھری

بر سے جھما جھم رحمت کی بدری تمہری نگری

چمکے منوا ما نسبت کی بجری تمہری نگری

ہمرے ہو من کی بھرے گگری

مدار تہری جالی سے ڈوری بندھی

محشر ما سنکٹ کی گھڑی ہے آقا حلبی

سب کو اپنی اپنی پڑی ہے آقا حلبی

پایوں کی سر پہ دھری گٹھری

مدار تہری جالی سے ڈوری بندھی

انسانوں نے ڈالا ہے ڈیرہ تمہری دوریا

جن و ملائک کا لاگا ہے میلہ تمہری دوریا

در پہ کہے دنیا سگری

مدار تہری جالی سے ڈوری بندھی

——

سچے ہیں مدار بابا سچے ہیں مدار

05/03/202510/12/2024 by @Admin

کہا دم مدار بابا بیڑا ہوا پار بابا

سچے ہیں مدار بابا سچے ہیں مدار

سارے منش تمہری کرت ہیں جے جے

جناتن کی بھیڑ رہت ہے

آوت فرشتے ہیں کرنے نمسکار بابا

سچے ہیں مدار بابا سچے ہیں مدار

جمن جتی جب ہو گئے زندہ

کہن لگی یوں بی بی نصیبہ

بٹوا ہمارے دونوں کیلو سوئ کار بابا

سچے ہیں مدار بابا سچے ہیں مدار

پورب سے آئیں کار بدروا

منہ برسائیں کار بدروا

طیبہ نگر سے آئے مست بیار بابا

سچے ہیں مدار بابا سچے ہیں مدار

ارغونی ہیں طیفوری ہیں

اور فنصوری بھی نوری ہیں

نوری ہو تم اور نوری تمہر و گھر بار بابا

سچے ہیں مدار بابا سچے ہیں مدار

منہ منہ مہکے تمبر و دلنوا

چم چم چمکے تمہرو و کلسوا

رم جھم رم جھم برسے در پہ انوار بابا

سچے ہیں مدار بابا سچے ہیں مدار

تمہرے منکر جو بھی رہت ہیں

اور برا ولین کا کہت ہیں

ان دٹمن پر پڑ گئی رب کی پھٹکار بابا

سچے ہیں مدار بابا سچے ہیں مدار

دنیا میں عزت لاکھ ہے محضر

آپ کے در کی خاک ہے محضر

آپ کے در سے پایا ہم نے وقار بابا

سچے ہیں مدار بابا ہیں مدار

——

گھرا ہوں بلاؤں میں مجھ کو بچانا قطب زمانہ اے قطب زمانہ

05/03/202510/12/2024 by @Admin

گھرا ہوں بلاؤں میں مجھ کو بچانا قطب زمانہ اے قطب زمانہ

نہ اپنا فلک ہے نہ اپنی زمیں ہے تمہارے سوا اپنا کوئی نہیں ہے

سناؤں بھی کس کو میں اپنا فسانہ قطب زمانہ اے قطب زمانہ

سر حشر کوئی کسی کا نہ ہوگا گنہگار ہوں ہے تمہیں پر بھروسہ

غلاموں کو اپنے نہ تم بھول جانا قطب زمانہ اے قطب زمانہ

ہے گردش میں قسمت کا اپنی ستارہ فضائے گلستاں ہے برہم خدارا

نشیمن مرا بجلیوں سے بچانا قطب زمانہ اے قطب زمانہ

ہو نور نظر تمہیں پیارے نبی کے ہو لخت جگر فاطمہ وعلی کے

حسینی و حسنی تمہارا گھرا نہ قطب زمانہ اے قطب زمانہ

ہوئی تم سے آساں زمانہ کی مشکل سفینے نے پایا مرادوں کا حاصل

زمانے کے تم ہو تمہارا زمانہ قطب زمانہ اے قطب زمانہ

فنا کو بھی اذن بقا دینے والے غلاموں کو آقا بنا دینے والے

ہمارا بھی خفتہ مقدر جگانا قطب زمانہ اے قطب زمانہ

غم و رنج کی دھوپ جس وقت پھیلی تو اس وقت محضر عنایت یہ دیکھی

تمہارا کرم بن گیا شامیانہ قطب زمانہ اے قطب زمانہ

——

خوشی میں جھومتا ہر میہمان لگتا ہے

05/03/202510/12/2024 by @Admin

خوشی میں جھومتا ہر میہمان لگتا ہے
مدار تیرا کرم مہربان لگتا ہے

تیرے وجود سے قائم ہے آسماں کا نظام

تیری بقا پہ مدار جہان لگتا ہے

تیرے ہی بارے میں لاخوف کہتا ہے قرآن

ولا تقولو کا تو ترجمان لگتا ہے

دکھائے آنکھیں یہ سورج کی ہے مجال کہاں

تمہارا لطف کرم سائبان لگتا ہے

ہیں اولیاء یہاں ہر سمت مثل کاہکشاں

دیار قطب جہاں آسمان لگتا ہے

تیرے وفور کرم نے لگا دیے تالے

زبان والا یہاں بے زبان لگتا ہے

کرم ہے تجھ پہ مدار جہاں کا اے محضر

ہرا بھرا جو ترا گلستان لگتا ہے

——

بچھڑ کے تجھ سے گلستاں بھی اک عذاب لگے

05/03/202510/12/2024 by @Admin

بچھڑ کے تجھ سے گلستاں بھی اک عذاب لگے

ترے جوار کے کانٹے ہمیں گلاب لگے

رخ مدار پہ ایسا ہمیں نقاب لگے

کہ جیسے ابر کے پردے میں آفتاب لگے

سرور عشق مدار جہاں کا کیا کہنا

نہ چھوٹے عمر میں منہ جس کے یہ شراب لگے

ہے جس پہ آپ کی چشم کرم مرے آقا

اسے حیات کا ہر لمحہ کامیاب لگے

تمہارے بحر کرم سے ہے رابطہ جس کا

اسے امنڈتا سمندر بھی اک سراب لگے

اٹھا دیں آپ جو پرده رخ منور سے

تو پھر حقیقت کونین بے نقاب لگے

مدار دو جہاں قطب مدار زنده ولی

ہمیں ہے پیارا تمہارا ہر اک خطاب لگے

ترے جمال سے رشتہ ہے جس کی راتوں کا

نہ کیوں پھر اس کو سہانا ہر ایک خواب لگے

——

پھر کہے کیوں نہ خوش ہو کے ہر قادری تیرے سایے میں ہم آگئے

05/03/202510/12/2024 by @Admin

پھر کہے کیوں نہ خوش ہو کے ہر قادری تیرے سایے میں ہم آگئے

جب کہیں پیار سے جان من جنتی تیرے سایے میں ہم آگئے

عرس کی رات ہے کہہ رہے ہیں سبھی تیرے سایے میں ہم آگئے

ہم کو فضل و کرم کی نہیں کچھ کمی تیرے سایے میں ہم آگئے

زندگی کی تھکن اور نہ غم کی چبھن مل گیا مل گیا دامن پنجتن

جب بفضل خدا اور بہ فیض نبی تیرے سایے میں ہم آگئے

ہو کرم اے شہا اے مدار الوریٰ ہر طرف کربلا ہے قیامت بپا

دیکھ کر یہ فضا ہر طرف ہند کی تیرے سایے میں ہم آگئے

رشک ہر گلستاں اور جنت نشاں آپ کا آستاں اے مدار جہاں

ہے یہاں واقعی ہر طرف زندگی تیرے سایے میں ہم آگئے

ہو کچھوچھ یا دھرتی ہو کلیان کی وہ ہو کولار یا ارض جمن جتی

کہتے ہیں ماوری اور بہرائچی تیرے سایے میں ہم آگئے

دور غم میں خوشی کا خزانہ ملا زلف سرکار کا شامیانہ ملا

دل کو جنت ملی روح کو تازگی تیرے سایے میں ہم آگئے

——

اک دل پہ ہیں دنیا کے ستم قطب دو عالم

05/03/202510/12/2024 by @Admin

اک دل پہ ہیں دنیا کے ستم قطب دو عالم

رکھنا میری غیرت کا بھرم قطب دو عالم

حق یہ ہے کہ دنیا کی ہر اک راہ گزر میں

تاباں ہیں ترے نقش قدم قطب دو عالم

بگڑی ہوئی تقدیر سنورنا نہیں مشکل

فرما دیں اگر چشم کرم قطب دو عالم

خلوت میں ہے جلوت تیری یادوں کے سہارے

مجھ کو نہیں تنہائی کا غم قطب دوعالم

کب جانے مجھے منزل مقصود ملے گی

راہی ہوں مگر مست قدم قطب دوعالم

اللہ رے آقا ترا انداز ہدایت

بول اٹھے یہ پتھر کے صنم قطب دوعالم

ہے اس کے مقدر میں دو عالم کی بلندی

جو سر تری چوکھٹ پہ ہے خم قطب دو عالم

محضر بھی ہے مخدوم زمانے کی نظر میں

لے کر تری نگری میں جنم قطب دو عالم

——

جھکا اولیاء کا ہے سر اللہ اللہ

05/03/202510/12/2024 by @Admin

جھکا اولیاء کا ہے سر اللہ اللہ

مدار دو عالم کا در اللہ اللہ

ملی زندگی جان من جنتی کو

دعاؤں کا تیری اثر اللہ اللہ

نظر پڑتی ہے جب تیرے آستاں پر

تو کہتے ہیں اہل نظر اللہ اللہ

ہر اک لب قطب جہاں تیری باتیں

ہر اک دل میں ہے تیرا گھر اللہ اللہ

کرم سے تیرے مل گئی ان کو منزل

بھٹک تے تھے جو در بدر اللہ اللہ

مجھے ہے یقیں آپ رکھتے ہیں آقا

میری دھڑکنوں کی خبر اللہ اللہ

ہیں آئے مرادوں کا دامن پسارے

حضوری میں جن و بشر اللہ اللہ

نبی سے ملا جس کو نور ولایت

علی کا وہ نور نظر اللہ اللہ

غلام مدار جہاں سوءے جنت

چلا حشر میں بے خطر اللہ اللہ

جہاں جائے ان کے ہی چلےّ ہیں محضر

مدار جہاں کا سفر اللہ اللہ

——

Home

Bookmark

Menu

Videos

Join

روشن کرنے ساری نگر یا قطب دو عالم آئے

منقبت تب ہوتی ہے – منقبت تب ہوتی ہے

مدار تہری جالی سے ڈوری بندھی

سچے ہیں مدار بابا سچے ہیں مدار

گھرا ہوں بلاؤں میں مجھ کو بچانا قطب زمانہ اے قطب زمانہ

خوشی میں جھومتا ہر میہمان لگتا ہے

بچھڑ کے تجھ سے گلستاں بھی اک عذاب لگے

پھر کہے کیوں نہ خوش ہو کے ہر قادری تیرے سایے میں ہم آگئے

اک دل پہ ہیں دنیا کے ستم قطب دو عالم

جھکا اولیاء کا ہے سر اللہ اللہ

Links

Quick Links

Top Categories