امت کے غم میں بیکل ہے آمنہ کا پیارا

امت کے غم میں بیکل ہے آمنہ کا پیارا
آغوش ما میں ہر پل ہے آمنہ کا پیارا

طیبہ میں دیکھو آیا ہجرت کا حکم سن کر
مکہ سے چل کے پیدل ہے آمنہ کا پیارا

قلب صحابہ تب سے مغموم ہو گئے ہیں
جب سے نظر سے اوجھل ہے آمنہ کا پیارا

نار سقر سے مجھ کو امت کو ہے بچانا
دل میں لیے یہ ہلچل ہے آمنہ کا پیارا

پڑھنا درود عاصی صبح و مسا ہر اک پل
سنتا سدا مسلسل ہے آمنہ کا پیارا

جنوں بشر ہوں اعلی حور ملک سے بہتر
دنیا میں سب سے افضل ہے آمنہ کا پیارا

نفرت مٹانے آیا دنیا سے اے مجاہد
محبوب رب کا اول ہے آمنہ کا پیارا

۔۔۔۔۔۔۔۔۔۔۔ مجاہد مداری
ummat ke gham men bekal hai amina ka pyara