الله الله شمع غار حرا صل علیٰ
سارا عالم جس نے روشن کر دیا صل علیٰ
مالک کوثر اے محبوب خدا صل علیٰ
ناز بردار شهید کربلا صل علیٰ
کس کی آمد ہے کہ کہتے ہیں زمین و آسماں
مرحبا صد مرحبا صد مرحبا صل علی
رہ گئی ہیں دم بخود دونوں جہاں کی گردشیں
دیکھ کر معراج ختم الانبیاء صل علیٰ
روح نے تسکین پائی بے کلی رخصت ہوئی
والہانہ میں نے جب بھی کہہ دیا صل علیٰ
حشر کا دن ہے گنہ گاروں پہ ہے سایہ فگن
گیسوئے آقا میں رحمت کی گھٹا صل علی
خون سے طائف میں تر تھا آپ کا نوری بدن
آپ کے ہونٹوں پہ تھی پھر بھی دعاصل علیٰ
مانگ لے”مصباح” ان کا غم خدا سے مانگ لے
جو خلیل اللہ کا تھا مد عاصل علیٰ
