بن کر رہا یہ غم میں پیامی سرور کا
آیا جو لب پہ اسم گرامی حضور کا
جلووں سے جگمگا دے مرے دل کا آئینہ
اے نور والے تیرا گھرانا ہے نور کا
آنکھوں میں ہے دیارِ مدینہ بسا ہوا
احساس دل کو اب کہاں نزدیک و دور کا
@madaarimedia
ٹھہرے زمین طیبہ بھلا تجھ پے کیا نگاہ
تیرے ہر ایک ذرے میں جلوہ ہے طور کا
یہ معجزہ بھی دیکھ لیا سب نے بدر میں
تیرے قدوم پاک پہ تھا سر غرور کا
ہے روضہ رسول نگاہوں کے سامنے
اب پوچھئے نہ حال دل ناصبور کا
چل سر کے بل ادیب ” دیار رسول میں
ناداں یہ ہے مقام ادب اور شعور کا
