جان رسول لخت دل فاطمه حسن
ہیں آپ نور عین علی مرتضی حسن
دنیا کو یاد آگئی صلح حدیبیہ
سنکر تمہاری صلح کا وہ واقعہ حسن
گالی کے بدلے بدوی کو دیکر اشرفیاں
تم نے کرم کا فلسفہ سمجھا دیا حسن
محشر میں عاصیوں کے بہت کام آئیگی
تطہیر کی جو اوڑھے ہوئے ہیں ردا حسن
ہر ایک کے نصیب میں یہ نعمتیں کہاں
تم کو حسین پاک کا بھائی ملا حسن
کہتا ہے ہم شبیہ پیمبر تجھے جہاں
ہم خواب ہی میں دیکھ لیں چہرا ترا حسن
گھیرے ہوئے ہیں اسکو زمانے کی گردشیں
مصباح پر بھی کیجئے چشم عطا حسن
