خوشی میں جھومتا ہر میہمان لگتا ہے
مدار تیرا کرم مہربان لگتا ہے
مدار تیرا کرم مہربان لگتا ہے
تیرے وجود سے قائم ہے آسماں کا نظام
تیری بقا پہ مدار جہان لگتا ہے
تیرے ہی بارے میں لاخوف کہتا ہے قرآن
ولا تقولو کا تو ترجمان لگتا ہے
دکھائے آنکھیں یہ سورج کی ہے مجال کہاں
تمہارا لطف کرم سائبان لگتا ہے
ہیں اولیاء یہاں ہر سمت مثل کاہکشاں
دیار قطب جہاں آسمان لگتا ہے
تیرے وفور کرم نے لگا دیے تالے
زبان والا یہاں بے زبان لگتا ہے
کرم ہے تجھ پہ مدار جہاں کا اے محضر
ہرا بھرا جو ترا گلستان لگتا ہے
