دیکھتے ہی آپکا روضہ مدار العالمیں
یاد آیا آپکا روضہ مدار العالمیں
دن کے سورج کے اجالے کیا الجھائیں گے ہمیں
ہے نظر میں آپکا چہرا مدار العالمیں
اہل عرفاں کی نظر میں گوہر نایاب ہے
آپکی ایسن کا ہر قطرہ مدار العالمیں
المدد ہر سمت ہیں ظلم و ستم کی آندھیاں
اور میں ہوں بیکس و تنہا مدار العالمیں
وقت کے ہمراہ آئیں چاہے جتنے انقلاب
ہم نہ چھوڑیں گے ترا رستہ مدار العالمیں
کس کو جا کر میں سناؤں اپنی روداد الم
جز تمہارے کون ہے میرا مدار العالمیں
میری پونجی میری دولت اور میری کائنات
مری دنیا اور مری عقبی مدار العالمیں
سورۂ بقرہ کی آیت کو بنالینا دلیل
اور سدا اعلان سے کہنا مدار العالمیں
آپ ہیں چرخ ولا کے آفتاب نیم روز
سب سے بڑھ کر آپ کا رتبہ مدار العالمیں
جاگ اٹھا سویا ہوا بی بی نصیبہ کا نصیب
ہے دعاؤں کا تری صدقہ مدار العلمین
سب کو ملتی ہے یہاں مصباح منہ مانگی مراد
آپکا دربار ہے سچا مدار العالمیں
