کتنا اعلیٰ ہے رتبہ مکن پور کا
ہے مدینہ سے رشتہ مکن پور کا
دیوہ مارہرہ کلیر کچھو چھ سبھی
پڑھ رہے ہیں قصیدہ مکن پور کا
ہند میں جو بہاریں ہیں ایمان کی
واقعی یہ ہے صدقہ مکن پور کا
جو بھی آتا ہے خالی وہ جاتا نہیں
ہے سخی کتنا داتا مکن پور کا
دیکھنا ہوا گر صبح طیبہ تمہیں
آکے دیکھو سویرا مکن پور کا
سمجھو اس نے دیار نبی پالیا
مل گیا جسکو رستہ مکن پور کا
اپنی قسمت پہ مصباح کو ناز ہے
کیوں کہ ہے رہنے والا مکن پور کا
© copyright all reserved Madaarimedia.com
