کرکے اسلام پر سارا کنبہ فدا فاتح کربلا فاتح کربلا
تم نے پورا کیا مقصد مصطفیٰ فاتح کربلا فاتح کربلا
تیری خاطر نبی طول سجدہ کریں
تو جو کہہ دے تو تیری سواری بنیں
تیرے جھولے سے پائے فرشتہ شفا
فاتح کربلا فاتح کربلا
تھی زمیں اپنی آنکھیں چھپائے ہوئے
تھا فلک شرم سے سر جھکائے ہوئے
سر سے زینب کے جب چھن رہی تھی ردا
فاتح کربلا فاتح کربلا
ہائے عون و محمد سے دلبر رہے
اور نہ عباس قاسم نہ اکبر رہے
اب پکارے کسے زینب بے نوا
فاتح کربلا فاتح کربلا
کوئی لایا یہ صغریٰ کا سندیس ہے
دسں بھی اپنا اب لگتا پردیس ہے
جب سے معصوم اصغر جدا ہو گیا
فاتح کربلا فاتح کربلا
الله الله شان عبادت تری
اس پہ قربان کونین کی بندگی
زیر خنجر جو تو نے ہے سجدہ کیا
فاتح کربلا فاتح کربلا
ہیں تمہارا ہی صدقہ زہیر اے شہا
تم سے ابن مظاہر کو جیون ملا
جس کو کہتے ہیں حر ہے تمہاری دعا
فاتح کربلا فاتح کربلا
تیرے قدموں پہ قرباں میں ابن علی
دین اسلام کو سرخروئی ملی
خون اصغر کا جب تم نے منھ پر ملا
فاتح کربلا فاتح کربلا
کب سے گھیرے ہیں اس کو زمانے کے غم
کیجئے اس کی جانب بھی چشم کرم
ہے ہوا آپ کے کون “مصباح ” کا
فاتح کربلا فاتح کربلا
