یہ نہیں کہتا مجھے ماہِ منور دیدے
جس میں لکھا ہو مدینہ وہ مقدر دیدے
ایکدم اٹھ کے پہونچ جاؤں در آقا پر
اے خدا مجھ کو پرندوں کی طرح پر دیدے
مفلسی میری نہ کر دے کہیں رسوا مجھ کو
میرے مالک مجھے کر اور ابو ذر دیدے
زم زم و کوثر تثنیم سبھی اس کے ہیں
وہ اگر چاہے تو پیاسوں کو سمندر دیدے
دل وہ دیدے ہو مکیں جس میں غم عشق رسول
جس میں سودائے محمد ہو وہی سر دیدے
ہم کریں پیش جو سادات کی الفت کا ثبوت
ہم کو بخشش کی سند شافع محشر دیدے
مطمئن ہو کے نہ سو جائیں بھلا کیوں حیدر
رب کا محبوب انہیں اپنا جو بستر دیدے
یاد ہو کر بلا والوں کی تمہیں پیاس اگر
جام کوثر کا نہ کیوں ساقی کوثر دیدے
سامنا وقت کے مرحب سے ہے اس کا آقا
اپنے “مصباح ” کو تو جرات حیدر دیدے
