محشر میں انبیاء کو ضرورت ہے آپ کی
صل علی وہ شان رسالت ہے آپ کی
یہ آسماں یہ چاند ستارے یہ کہکشاں
سب پر مرے حضور حکومت ہے آپ کی
madaarimedia.com
کس درجہ قیمتی ہے یہ سرمایۂ حیات
میرے غریب دل میں محبت ہے آپ کی
یوسف ہزار بار فدائے جمال ہوں
اے فخر کائنات وہ صورت ہے آپ کی
ایمان والے کیوں نہ ادب سے پڑھیں درود
قرآن میں لکھی ہوئی عظمت ہے آپ کی
ممکن نہیں کہ سوز ہو محروم التفات
جب ہر کسی پہ مہر و عنایت ہے آپ کی
_________________
________________
سوز مکنپور علیہ الرحمہ
