تجھ پہ ہوگی بارش رحمت مداری بن کے دیکھ
جاگ اٹھے گی تیری قسمت مداری بن کے دیکھ
قبر ہو یا حشر ہو میزان ہو یا پل صراط
ہر جگہ رہ جائے گی عزت مداری بن کے دیکھ
قول من عاش مداریا یہ دیتا ہے پیام
ہو شہادت کی اگر حسرت مداری بن کے دیکھ
تیری جانب کوئی بھی تیور بدل کر دیکھ لے
کس بہادر میں یہ پھر ہمت مداری بن کے دیکھ
سب سے بہتر ہے یہی نسخہ رجوع خلق کا
ہوگی ہر دل میں تری چاہت مداری بن کے دیکھ
دور ہو جائیں گی دل سے غم کی ساری سوزشیں
زندگی بن جائے گی جنت مداری بن کے دیکھ
واقعی مصباح تو ایسا مداری ہے کہ بس
سب سے کہتی ہے تری سیرت مداری بن کے دیکھ
