Source: Syed Shajar Ali
شان نماز ایسے بڑھائی حسین نے
گردن ہے وقت سجدہ کٹائی حسین نے
مسجد میں یوں لگایا ہے پرچم حسین کا
سجدوں کی آبرو ہے بچائی حسین نے
جھولے ملک جھلائیں تو جنت سے جوڑے آئیں
دیکھو تو کیسی شان ہے پائی حسین نے
آیا جو ہے جلال تو لے کر کے ذوالفقار
کردی یزیدیوں کی صفائی حسین نے
کاندھوں پہ ہے گھمایا رسول کریم نے
کی گود میں علی کی پڑھائی حسین نے
حق کا جھکانا چاہا جو جھنڈا تو اے شجر
باطل کی توڑ ڈالی کلائی حسین نے
اردو مداری میڈیا ڈاٹ کام پر دینی، علمی اور ادبی ذوق رکھنے والے قارئین کے لیے متنوع موضوعات پر تحریرات و مضامین پیش کیے جاتے ہیں۔ اس پلیٹ فارم پر تاریخ، ادب، سیرت و سوانح عمری (بایوگرافی)، اہم واقعات، اصلاحی و فکری تحریریں، سبق آموز حکایات اور دیگر مختلف اصناف و موضوعات پر معیاری مضامین شائع کیے جاتے ہیں۔ ان مضامین کا مقصد قارئین کو مستند معلومات فراہم کرنا، علمی شعور کو فروغ دینا اور فکری و اخلاقی تربیت کا ذریعہ بننا ہے۔ اردو مداری میڈیا ڈاٹ کام کی یہ کاوش ہے کہ قاری کو ایک ہی جگہ پر متنوع، سنجیدہ اور بامقصد تحریری مواد میسر آئے۔
© Madaarimedia.com • All rights reserved
