قبول حق یہاں پر ہے ہر اک سجدہ مکن پور آ

قبول حق یہاں پر ہے ہر اک سجدہ مکن پور آ
تجھے جو دیکھنا ہے جلوہ کعبہ مکن پور آ

اگر مضبوط رکھنا ہے تجھے رشتہ محمد سے
مدار پاک سے تو جوڑ لے رشتہ مکن پور آ

تجھے جنت ملے گی شرط ہے پکا حسینی بن
یزیدی بھیڑیوں کا خوف تجھ کو کیا مکن پور آ

یہ دنیا ہے یہاں ہر ایک لمحے میں ہے بے چینی
سکون دل اگر چاہے تو پھر آجا مکن پور آ

یہاں پہ خانہ جام ہدایت ہے کھلا آجا
اتر جائے گا گمراہ ہی کا ہر نشہ مکن پور آ

ہر اک جانب ہیں بکھرے لعل اور گوہر ہیں ولایت کے
جمال نور کا تو دیکھ لے جلوہ مکن پور آ

اگر ہے دل میں تیرے اہل بیت پاک کی الفت
یہاں مدفون ہے لخت دل زہرا مکن پور آ

شجر جس سمت بھی جاؤ وہاں پر پیار ملتا ہے
یہاں پر بہتا ہے اخلاص کا دریا مکن پور آ

Qubule Haq YaHan Par Hai Har Ek Sajda Makanpur aa – syed shajar ali manqabat